ఇవాళ హైదరాబాద్‌ కు కల్వకుంట్ల కవిత రానున్నారు.. ఈ సందర్భంగా కేసీఆర్‌ తో కల్వకుంట్ల కవిత కీలక భేటీ కానున్నారు. ప్రస్తుతం ఢిల్లీలో కవిత, కేటీఆర్, హరీష్ రావులు ఉన్నారు. నిన్న రాత్రి తీహార్ జైలు నుంచి కల్వకుంట్ల కవిత విడుదల అయ్యారు. ప్రస్తుతం ఢిల్లీలోని BRS కార్యాలయంలో కల్వకుంట్ల కవిత ఉన్నారు.
ఇవాళ రౌస్ ఏవిన్యూ కోర్టులో సీబిఐ ఛార్జ్ షీట్ పై విచారణ జరుగనుంది. ఇవాళ మధ్యాహ్నం 12 గంటలకు రౌస్ ఏవిన్యూ కోర్టుకు వర్చువల్ గా కల్వకుంట్ల కవిత హాజరు కానుంది. కోర్ట్ ప్రొసీడింగ్స్ పూర్తయ్యాక కల్వకుంట్ల కవిత 2.30 కి హైదారాబాద్ కు వెళ్లనున్నారు.
కాగా, తీహార్ జైలు నుంచి విడుదల అయ్యాక.. కల్వకుంట్ల కవిత మీడియాను అడ్రస్‌ చేశారు. పోరాటం కొత్త కాదని.. 18 సంవత్సరాల రాజకీయ జీవితంలో ఎన్నో ఎత్తుపల్లాలు చూసానని ప్రకటించారు. BRS పార్టీకి, కేసిఆర్ గారికి, నాకు, నా కుటుంబానికి అండగా ఉన్నందుకు కృతజ్ఞతలు తెలిపారు.
